Irakaslearen gida-liburuak aztertzen

A., Gassó, Propuestas didácticas. Pepito, el topito.4 años/ 1.trimestre , 47. orri, 2010, Edit. Casals, Bartzelona.

1. Zertan datza ariketa?

 Aukeratu dugun proposamen honetan haurrekin ilarak egiterako orduan sortzen diren gatazkak bideratzeko zenbait argibide ematen dira. Horretarako haurrek iladak egiterakoan sortzen diren gatazkak antzeztu beharko dituzte bakoitzak rol bat hartuz (aurreratu egiten dena, jo egiten duena, kolpea jasotzen duena,etab.). Ondoren irakasleak zenbait galdera planteatuko ditu, hala nola, “garrantzitsua ahal da iladan lehenengoa izatea?”, “zergatik?”, “gustatzen ahal zaigu beste baten bultzakada jasotzea?”, “ aurreratzen garenean beste klasekideak kontuan hartzen ditugu?”, etab. Galdera hauen bidez ikasleek gaiaren inguruan pentsaraztea bilatzen da, arazoari konponbide demokratiko bat aurkitzeko.

2. Ariketan ahozkotasuna zelan lantzen da ?

Ariketan argi eta garbi ahozkotasuna landu egiten da. Haurrari bere sentimenduak, iritzia, esperientziak, ideiak,etab. hitzen bidez helarazteko lekua ematen zaio. Modu berean, ahozkotasuna hainbat norabideetan landu egiten dela ikus daiteke (ikasle-ikasle, irakasle-ikasle, ikasle-irakasle). Azken finean, irakasleak zenbait galdera planteatzen ditu haurraren sentimenduak ateratzeko eta dituzten ideiak eraldatu ahal izateko. Guzti honekin, haurraren komunikazio gaitasuna landu egiten da, etengabe ahozkotasunari garantiza emanez.

3. Gure ekarpenak:

Oso ariketa egokia iruditu zaigu haurrekin lantzeko. Batez ere rol-play-aren bidez balore asko landu egiten direlako (enpatia, laguntasuna, errespetua, konpromesua…). Hala ere, jarduera hau burutzeko irakasleak hainbat gauza argi izan behar dituela uste dugu:

1. Haurraren iritzia errespetatu beti ere euren argudioak esatera bultzatuz.
2. Egoera kontrolatzeko baliabideak eukitea eta hasi baino lehen zenbait argibide ematea ( jolas bat dela gogoratu, kideak errespetatu behar ditugu, ez gara haserretu behar…).
3. Emozioak azaltzea ikasleei dagokie, beraz, irakasleak ez luke esan behar ikasle batek zelan sentitu daitekeen.
4. Garrantzitsua iruditzen zaigu, behin jarduera amaituta horrelako egoera bat berriz ere planteatzen denean, jarduera honetan agertutakoa haurrei birgogoratzea.